وداعاً

بِعْ ....بِعْ
او
عنك دعْ
وكل الحروف أبصقها

في كلمة وداعاً

أستبق شيئاً من حيائِك للسفر
وادلِقْ ماءَ وجهِكَ في المطارات والموانئ
وُجْهَة نَظر
شرفك قفَاكْ ارقُد قَفَا
فكِّك مفاصل طلسمك
واديك شرف
هروبك وفا

ما بين عهودك ومنتهاك
وبين عهودي ومنتهاي
اورغن حزين او حتى ناي
او حتى ما يكفي الأود
كلمة احبك او

قيود الذكريات

ما بين عهودك ومنتهاك
يا ساري زادك بس حياك
أنو الفصول
شِرْقَت بدهشة روعتك
أحزِم صفاك حقيبة سفر
وبدِّيك خاطري أودعك
والباقي من امل جيتك معاي
ذرات تراب من الاتر
والباقي من بوح المكان
والسر ونوح وتر الكمان
انك شريف
راجيك معاك زمن الدفا
وبعض التباريح البواقي
وأرقد شريف
أرقد قفا

بيني بينك والوداع
غنايا حزين ولحنا شجي
ورفة عيني الشمال
راجياك تحن امكن تجي
وساساق دربنا الما كمل
وبعض الحياء مدخرو لي زمن الوصول
وكلمة وعد
وباقة ورد
ونوبة وطبول
ويمكن كمان.........

أستبق شيئا من حياءك للرجوع
او
عنك دع
وكل الحروف ابصقها
في كلمة ضياعا